गोदावरी टाइम्स न्यूज नेटवर्क-
अहेरी (प्रतिनिधी )
एटापल्ली पंचायत समितीमध्ये कार्यरत असलेल्या एका महिला ग्रामसेविकेवर अतिप्रसंग करण्याचं प्रयत्नासह भ्रष्टाचाराचे प्रकरण दडपण्यासाठी अहेरी येथील दोघांनी दहा लाख रुपये खंडणी मागितल्याची लेखी तक्रार एका महिला ग्रामसेविकेने अहेरी पोलीस ठाण्यात नोंदवली आहे. या तक्रारीमुळे तालुक्यात एकच खळबळ उडाली आहे.
महिला ग्राम सेविकेनी अहेरी पोलीस ठाण्यात दिलेल्या लेखी तक्रारीनुसार, तक्रारकर्त्या महिला ग्रामसेविका यापूर्वी अहेरी तालुक्यातील खमनचेरु येथील ग्रापंमध्ये सन २०११ ते २०२२ पर्यंत कार्यरत होती. सध्या त्या एटापल्ली पंचायत समितीमध्ये कार्यरत आहेत.अ हेरी येथील रवी रत्नय्या नेलकुद्री व प्रशांत नामनवार या दोघांनी महिला ग्रामसेविका खमनचेरु येथील ग्रापं कार्यरत असलेल्या कार्यकाळातील माहिती सध्याचे ग्रामसेवकाडून माहिती अधिकाराअंतर्गत सन 2011 ते 2022 मधील मागितली. या माहितीचा आधार घेऊन त्यांनी याची वरिष्ठांकडे तक्रार करायला पाहिजे होती. मात्र परंतु तसे न करता नेलकुद्री व नामनवारांनी तुमच्या कार्यकाळात भ्रष्टाचार झाले असून तुम्ही आम्हाला दोन लाख रुपये देऊन एक नवीन रुग्णवाहिका घेऊन देण्याची मागणी केली. अन्यथा तुमच्या विरुद्ध वरिष्ठांकडे तक्रार करू व सोशल मीडियावर बदनामी करू असे धमकी देत होते. आणि या दोघांनी जनजागृती नावाचं वाटसप गृपवर ग्रामसेविकेविरुद्ध रोज मॅसेज पोस्ट करून नाहक बदनामी करणे सुरूही केले.
दरम्यान ५ नोव्हेंबर रोजी आपल्या मुख्यालयी कर्तव्यावर अहेरी येथून एटापल्लीकडे जात असताना जंगल परिसरातील एलचील गावाजवळ रवी नेलकुद्री व प्रशांत नामनवार या दोघांनी रस्त्यात अडवून पैशाची मागणी करत महिला ग्रामसेविकेवर अतिप्रसंग करण्याचा प्रयत्न केला. यात महिला ग्रामसेविका यांनी आपली दुचाकी वाहन चालूच ठेवून या रस्त्यावरून एक चारचाकी वाहन जात असल्याचे आडोस घेत महिला ग्रामसेविका तिथून कसे बसे निघून गेल्याने त्यांच्यावर अतिप्रसंग करण्याचं प्रयत्न फसल्याचे तिचे म्हणणे आहे. महिला ग्रामसेविकेने अहेरी येथील दोघांविरोधात अहेरी येथील पोलिस ठाण्यात लेखी तक्रार दाखल केली आहे.
महिला ग्रामसेविकेची या तक्रारी विषयी अहेरी पोलिस ठाण्याचे पोलीस निरीक्षकांना विचारणा केली असता, 5 नोव्हेंबर रोजी एका महिला ग्रामसेविकेची तक्रार दाखल झाली असल्याचे त्यांनी सांगितले. या प्रकरणाची चौकशी करून कारवाई संबंधितांवर करण्यात येईल, अशी माहिती दिली.
लेखी तक्रार केली आहे.पण सदर प्रकरण खूप जुनी असल्यामुळे चौकशी करने गरजेचे आहे.यासाठी संबंधित महिलेला आम्ही चौकशीसाठी बोलवले आहे. त्यांच्या सखोल चौकशीअंती संबंधितंवर पुढील कारवाई करण्यात येईल.
श्री एम.काळबांडे सर
पोलीस निरीक्षक
पोलीस स्टेशन अहेरी
