गोदावरी टाइम्स न्यूज नेटवर्क
आष्टी (प्रतिनिधी)
आष्टी पोलिस ठाण्याच्या हद्दीत येत असलेल्या मुधोली रिठ येथील विद्यमान सरपंचाने आत्महत्या केल्याची घटना 5 मे रोजी दुपारी 3 वाजताच्या सुमारास घटना उघडकीस आली.
मंगलदास आत्राम (40) रा. मुधोली रिठ ता. चामोर्शी असे मृतक सरपंचाचे नाव आहे. मृतक मंगलदास हा सकाळच्या सुमारास घराबाहेर पडला. मुधोली चक. न 2 च्या मेश्राम नामक शेतकऱ्याच्या शेतशिवारातील झाडाला गळफास घेतलेल्या स्थितीत त्याचा मृतदेह आढळला. याची माहिती होताच गावातील नागरिकांनी घटनास्थळी धाव घेतली. घटनेची माहिती आष्टी पोलिसांना कळताच पोलिस घटनास्थळी दाखल झाले. पंचनामा करण्याची कार्यवाही सुरु होती. सरपंचाच्या आत्महत्येचे नेमके कारण कळू शकले नाही. पुढील तपास पोलिस निरीक्षक विशाल काळे यांच्या मार्गदर्शनाखाली सुरु आहे.
